Mokabat sa 841 ka tunghaan sa tibuok nasod ang mosalmot sa pilot run sa revised SHS curriculum nga kabahin sa basic education program alang sa umaabot nga School Year 2025-2026.
Kini ang gikompirmar sa pamunoan sa Department of Education .
Atol sa House Committee on Basic Education and Culture briefing, si Education Undersecretary Wilfredo Cabral niingon nga 727 ka mga tunghaan ang andam na alang sa programa alang sa Grade 11 ug 12.
Human sa feedback gikan sa Senate Committee on Basic Education, ang DepEd nakahukom sa pagdugang sa kasarangang andam nga pribado ug rural nga mga eskwelahan, nga nagdala sa partial list ngadto sa 841 ka mga eskwelahan.
Kini nga numero nagrepresentar sa 6.60% sa kinatibuk-ang 12,739 ka mga eskwelahan sa SHS sa tibuok nasud.
Gikan sa maong ihap, 580 ang public schools samtang 261 ang private schools.
Matod ni Cabral, kon magsugod na ang pilot run, hugot nga bantayan sa ahensya ang tibuok implementasyon niini.
Ang pagbansay sa mga magtutudlo nga mosalmot sa pilot run gikatakdang ipahigayon gikan sa Marso 25 hangtod sa Hunyo 7, samtang ang School Year 2025-2026 magsugod sa Hunyo 16 ug matapos sa Marso 31 sunod tuig.
