GENERAL SANTOS CITY – Miabot na sa 7,477 nga pamilya o 36,183 na katao ang mihikling gikan sa ilang mga panimalay tungod sa serye sa linog sa Regions XI ug XII.
Matud pa sa update gikan sa Department of Social Welfare and Development (DSWD) sa maong ihap, 26,038 nga indbidwal ang anaa sa mga evacuation center sa lugar sa Bansalan, Hagonoy, Magsaysay ug Digos City sa Davao Del Sur.
Samtang 10,145 usab ang anaa sa evacuation centers sa Kidapawan City, sa Cotabato. Anaa sa 1,493 nga pamilya o 7,465 nga indibidwal ang temporaryo nga nagpuyo sa ilang mga higala jug kabanay.
Matud pa sa DSWD, sa 33,110 nga mga nadaut nga balay, 22,279 ang totally damaged ug dili na mapuslan pa samtang 10,831 usab ang partially damaged.
Sa datos sa DSWD, sa katibuk-an miabot sa 231,250 nga katao ang naapektuhan sa linog sa 251 nga mga barangay sa Regions XI ug XII.
