Kapin 100 ka opisyal sa gobyerno, gipailalom na sa lifestyle checks – Ombudsman

Gipailalom sa Office of the Ombudsman ang 107 ka opisyal sa gobyerno sa lifestyle checks.

Gipahibalo ni Ombudsman Jesus Crispin Remulla nga kadaghanan sa mga opisyal nga gipailalom sa lifestyle checks gikan sa mga gitawag nga “income-generating agencies,” sama sa Land Transportation Office o LTO ug Bureau of Customs o BOC.

Sumala kang Remulla, posible pa nga madugangan ang 107 ka opisyal nga susihon samtang padayon ang pagpangolekta sa Ombudsman og mga impormasyon.

Ang maong lakang gipadayon subay sa mando ni Presidente Ferdinand Marcos Jr. nga ipailalom sa lifestyle checks ang mga opisyal sa gobyerno.

Gipasiugda ang maong lakang human maapil ang pipila ka opisyal sa gobyerno sa gikatahong anomalya sa mga flood control project sa nasud.