Gitawag ni Akbayan Rep. Chel Diokno nga usa ka “dakong kapalpakan” ang pagkapakyas sa gobyerno sa Pilipinas nga mabalik si Zaldy Co sa nasod.
Kini human gikumpirma sa Department of Justice nga wala na sa kustodiya sa mga otoridad sa Czech Republic ang kanhing magbabalaod nga karon giisip na nga pugante.
Matod pa niya, nakapasubo ang maong nahitabo ug kinahanglan maghatag og klarong pagpasabot ang gobyerno sa Pilipinas.
Iyang giingon usab nga kinahanglan masiguro sa gobyerno nga gihimo ang tanang paagi aron masubay ug mabalik si Co sa Pilipinas sa labing dali nga panahon.
Una niini, gipahibalo ni President Ferdinand Marcos Jr. nga “nadakop” si Co sa Czech Republic, apan sa dihang miadto ang special team nga gipangulohan ni DOJ Sec. Frederick Vida, wala na nila kini maabtan sa kustodiya sa mga awtoridad.
Sa karon, wala pa klaro kung asa na karon ang kanhing magbabalaod.
