GENERAL SANTOS CITY – Gihingusgan ni Atty. Rey Cartojano, co-anchor sa programang Duralex Sedlex sa Bombo Radyo GenSan ug usa ka inilang abogado nga ang administrative settlement ang usa ka posibilidad sa paghatag ug solusyon sa isyu may kalabutan sa Kabus Padatuon kon KAPA Community Ministry International Inc., nga hisgutanan na sa tibuok nasud.
Matud ni Atty. Cartojano, kini nalatid sa Securities and Exchange Commission (SEC) Code of the Philippines nga mahimong tan-awon sa kampo ni Apolinario.
Gibutyag sa nasampit, kung basehan sa criminal law sa nasud nga ang pagtago-tago usa ka ebidensya nga guilty ang usa ka tao sa alegasyong gibato kaniya.
Dugang ni Atty. Cartojano, doktrina kini sa criminal law nga dili lang sa Pilipinas apan halos tanan kanasuran sa tibuok kalibutan ang nag-adopt niini.
Kung limpyo ang konsensya ni Apolinario angayang mupakita sa publiko og dili magtagtago og atubangon ang mga problema.
Kung iyaha kining himuon nagpakita lamang nga ‘in good faith’ o sensiro nga gustong tabangan ang mga miyembro niini.
Ulahing nagpakita si Apolinario sa mga miyembro sa KAPA sa prayer rally sa Acharon Sports Complex sa Calumpang.
Gisulti pa mismo ni Apolinario kaniadtong tungura nga nagka-istoryahanay na sila sa pangulo ug misugot na kini nga magpadayon ang operasyon sa KAPA nga gikalipay sa mga miyembro.
Apan daw naisahan ang mga nasampit humanh nga subling gihingusgan ni Duterte angayan nang maundang ug pasirad-an ang KAPA.
Samtang, gibutyag ni Atty. Cartojano nga muagi og dugay nga proseso ugaling mayb tiyansa nga mabalik sa mga nag-invest sa KAPA ang ilang salapi.
Matud pa, ang importante karon nga mudagan ang proseso kung asa sa bahin sa SEC mahinongdanon nga i-preserve ang mga nabawi nga salapi og mga propriedad sa KAPA ug kini na-freeze na usab sa Anti-Money Laundering Council (AMLC).
Sumala pa ni Atty. Cartojano ang kuwartang mabawi sa gobyerno ang maoy ipang-apud-apod sa mga nabiktima sa KAPA apan muagi pa kini ug taas-taas nga proseso.
Sumala ni Atty. Cartojano pagkakaron nga wala pay maisugon ug boluntaryong mipaabot ug reklamo sa kapulisan batok sa KAPA tungod maulaw sama niadtong mga negosyante, mga professional, ug bisan pa mga pulitiko ug OFWs ang nabiktima usab sa KAPA.
Apan makatabang sa umaabot nga panahon ang sworn statement sa mga KAPA members kung muabot ang panahon nga i-refund ang ilang kuwarta.
Kini para sa pag-validate sa gobyerno kung sila ba gayud ang angayang hatagan sa kuwarta.
Apan sumala ni Atty. Cartojano nga dili 100 posyento ang mauli sa matag miyembro inay porsyento lang ang ihatag depende usab sa marekober sa SEC.
