-- ADVERTISEMENT --
Gisubli ni kanhi presidente Rodrigo Duterte nga para sa nasud ang iyang gihimo.
Mao kini ang mensahe sa kanhi presidente dihang gibisita siya sa iyang anak nga si Bise Presidente Sara Duterte.
Matod sa bise presidente nga gusto sa kanhi presidente nga paspasan ang proseso sa iyang kaso.
Ang 80-anyos nga kanhi presidente nabalaka nga basig mamatay siya samtang anaa sa kustodiya sa International Criminal Court (ICC).
Dili makasiguro ang bise presidente kon ang gisulti sa kanhi presidente pag-angkon ba sa mga pagpamatay nga nahitabo atol sa iyang war on drugs.
-- ADVERTISEMENT --
Kahinumduman nga anaa sa kustodiya sa ICC ang kanhi presidente human gidakop sa crimes against humanity gumikan sa iyang war on drugs sa iyang termino.
