GENERAL SANTOS CITY – Mitambag si Judith Janiola sa City Population Management Office sa mga buot nga manarbaho sa ubang nasud aron dili mabiktima sa illegal recruitment.
Gibutyag niini, usa siya ka kanhing OFW ug dili lalim tungod sugal ang tanan sa pag-abroad.
Gibutyag ni Janiola, siguruhon nga ang recruitment agency nga duolan ang lehitimo og accredited sa POEA og OWWA.
Una nakalarga sa ibang nasud mipailawom una siya sa gitawag nga PIDOS kon Pre-Departure Orientation Seminar kung asa ginatudlo sa OFW ang unsa ang ahensiya nga pwedeng duolan o numero nga tawgan ingkaso nga may masinatian nga pagpangabuso sa amo.
Sa pahayag ni Janiola, likayan ang recruitment agency nga gahimo og ‘fly by night’ transacstion o ilegal aron makagawas sa ubang nasud kung asa daghan ang gahimo niini didto sa Kauluhan.
Una niini, gidayeg ni Janiola ang lakang ni Pangulong Duterte, nga repatriation alang sa mga OFWs sa Kuwait nga gusto nang muoli.
Samtang, kalabot sa pagpatay sa usa ka OFW nga si Joanna Demafelis nga gisulod sa freezer, gibutyag ni Janiola nga dili makatawo ang gihimo sa iyang mga amo sa Pinay.
Nasayran nga mag-asawa nga Lebanese ug Syrian ang mga amo ni Demafilis.
Gani, sakit gayud huna-hunaon ang nahitabo sa nahisgutan, hilabi na sa pamilya niini.
