Kritikal ang kondisyon ni Miguel Uribe Turbay, 39-anyos nga kandidato sa pagkapresidente sa Colombia, human kini gipusil tulo ka beses samtang nanangampanya sa Bogotá.
Base sa ulat, duha ka bala ang misulod sa iyang ulo ug usa sa tuhod, hinungdan sa grabe niyang kahimtang.
Naaresto dayon ang suspetsado, nga usa ka 15-anyos nga menor de edad, nga natigayon ang insidente samtang namulong si Turbay sa parke.
Nagsubo pagmaayo ang asawa ni Turbay nga si Maria Claudia Tarazona, nga gapanawagan sa publiko alang sa panalangin ug suporta aron magmaayo ang iyang bana.
Sa pagkakaron, gitambalan si Turbay sa Santa Fe Clinic, diin nagtapok usab ang iyang mga supporters alang sa prayer vigil.
Sa pikas bahin, gikondina sa partido ni Turbay ug sa gobyerno ang nahitabong pagpamusil, nga ilang giingon nga usa ka hulga sa demokrasya sa Colombia.
Samtang gikondena si U.S. Secretary of State Marco Rubio, nga nagpadayag sa iyang kabalaka sa panghitabo.
Si Miguel Uribe Turbay naggikan sa usa ka impluwensyal nga political family sa Colombia.
Ang iyang inahan nga si Diana Turbay usa ka iladong mamamahayag nga nangamatay niadtong 1991 human kidnapon sa Medellín cartel nga gipangulohan ni Pablo Escobar.
