Niinsister ang kampo ni kanhi Negros Oriental Representative Arnolfo ‘Arnie’ Teves Jr. nga walay intensyon nga moikyas ang kanhi kongresista.
Kini ang gikumpirma ug gipasiugda sa iyang abogado nga si Atty. Ferdinand Topacio, nga ipaabot ngadto kang Department of Interior and Local Government Secretary Jonvic Remulla.
Diin buot untang klaruhon sa ilang kampo nga dili kini apil sa plano sa kanhi kongresista samtang nagpabilin pa kini sa tambalanan.
Si Atty. Ferdinand Topacio niingon nga dili kini mahitabo ilabi na kay adunay tubo gikan sa iyang ilong paingon sa tiyan sa iyang kliyente.
Dugang pa niya nga kini nga tubo konektado sa tulo ka mga botelya sa tambal nga gi-intravenously hinungdan nga si Teves sa pagkakaron dili kaayo kusog.
Giingong wa na siya makadagan aron makalingkawas sa Philippine General Hospital diin siya gidali sa pagdala ug gioperahan.
Kahinumduman nga gioperahan ang kanhi kongresista human makasinati og grabeng pagsakit sa tiyan samtang anaa sa detention center sa Camp Bagong Diwa, Taguig City.
