Kampanya ni Eala natapos ug sayo sa Japan Women’s Open

Sayong natapos ang kampanya ni Filipino tennis star Alex Eala sa Japan Women’s Open.

Kini human siya gipildi ni Tereza Valentova sa Czechia sa iskor nga 6-1, 6-2.

Ang world number 78 nga si Valentova maoy midominar sa duwa nga milungtad og usa ka oras ug 29 minutos.

Si Eala bag-o lang gikan sa usa ka sayo nga kapildihan sa Wuhan Open qualifiers kaniadtong Oktubre 4 sa mga kamot ni Moyuka Uchijima sa Japan.

Ang 20-anyos nga si Eala mobalik sa China sunod semana alang sa Guangzhou Open.