Giaprobahan sa House Committee on Appropriations niadtong Martes sa Committee level ang gisugyot nga ₱6.793 trilyon nga nasudnong budget para sa tuig 2026, human sa 37 ka adlaw nga deliberasyon sa committee level.
Gidawat sa komite ang mga amendment nga gisulong sa subcommittee kaniadtong Lunes, diin ang ₱255 bilyon gikan sa orihinal nga alokasyon sa Department of Public Works and Highways (DPWH) alang sa mga proyekto sa pagpugong sa baha gibalhin sa mga programa sa Edukasyon, Panglawas, ug Social Welfare.
Matod ni House Appropriations panel Chair ug Nueva Ecija Rep. Mikaela Angela Suansing, karong tuiga, usa ka komprehensibo nga reporma ang gipatuman sa proseso sa pagporma sa badyet aron mapalambo ang transparency ug malikayan ang kontrobersyal nga “insertions” nga nahitabo sa miaging tuig.
Kaniadto, ang mga pagbag-o giproseso sa usa ka dili transparent nga “small committee” nga gilangkuban sa mga piling kongresista.
Matod ni Suansing, ang budget proposal gipaabot nga maaprobahan sa ikaduhang pagbasa sa dili pa matapos ang Septiyembre, ug moabot sa ikatulo nga pagbasa inigbalik sa sesyon sa Nobyembre.
Ang mga magbabalaod adunay 10 ka adlaw aron mapasar ang budget bill sa dili pa ang Kongreso gikatakdang mo-adjourn sa Oktubre 3 alang sa usa ka bulan nga recess. Ang Kongreso magpadayon sa sesyon sa Nobyembre 9.
