Nakiglamano pag-usab si US Vice President Kamala Harris kang kanhi US President Donald Trump, Miyerkules sa buntag sa ilang pag-abot sa seremonya sa anibersaryo sa 9/11 sa downtown Manhattan.
Si Harris, kinsa nagbarog taliwala ni New York Senator Chuck Schumer ug US President Joe Biden, miduol kang Trump og nakiglamano.
Si Trump sa maong higayon nagbarog tupad ni kanhi New York City Mayor Michael Bloomberg.
Ang pakiglamano ni Harris wala pay 12 ka oras human nagkita sila ni Trump sa unang higayon sa usa ka presidential debate sa Philadelphia.
Ang paglamano tali ni Harris ug Trump Martes sa gabii nagtapos sa walo ka tuig nga sunodsunod nga walay paglamano nga nahitabo sa kasaysayan sa usa ka presidential debate.
Walay mga patakaran nga nagkinahanglan sa paglamano sa wala pa o pagkahuman sa debate.
Nasayran nga si Biden ug Harris ang motambong sa 9/11 anniversary ceremonies sa Ground Zero, Shanksville, Pennsylvania ug ang Pentagon.
Mobisita usab si Trump sa Shanksville pagkahuman sa seremonya sa Ground Zero.
