GENERAL SANTOS CITY – Nakadawat og bahad sa kinabuhi si Glan Padidu Chairman Isedrito Cañete una pa man nahitabo ang pagpamusil kaniya.
Ang mga nakamotorsiklo ang suspek sa insidente nga natigayon kini sa dihang nihunong ang gisakyan niining sports utility vehicle sa namatay sa trafic light nga anaa sa Brgy. Lagao atubangan sa Robinsons Place.
Matud pa kang P/Major Rommel Constantino, hepe sa Lagao Police Station ang maong impormasyon base sa testimonya nga nakuha nila sa driver ni Cañete ug ang kauban niining treasurer.
Nasuta nga kauban sa biktima ang duha sa sakyanan dihang kini dipusil apan dili maoy target sa mga suspek.
Nakig-alayon na kini sa mga establisiemento nga duol sa crime scene nga kung mahimo muhatag og kuha sa ilang CCTV camera nga makatabang sa gipahigayong imbestigasyon hilabina sa pag-ila sa mga suspek og pagsuta sa motibo sa krimen.
Sa karon tulo ka anggulo ang gitan-aw sa kapulisan nga motibo sa pagpatay sa biktima apan dili pa kini mapagawas tungod wala pay konkretong basehan.
