Miresulta sa P360.48 milyones ang kantidad sa kadaot sa sektor sa agrikultura ang pag-igo sa bagyong Enteng ug Habagat base sa taho sa DA – Disaster Risk Reduction Management Operations Center.
Matod ni Agriculture ASec. Arnel De Mesa, ang probinsya nga nakatala sa labing dakong kadaot mao ang Camarines Sur nga mokabat sa P342 milyones damyos. Gikataho usab ang kadaot sa agrikultura sa Catanduanes, Albay, Negros Occidental, Northern Samar, ug Bulacan.
Samtang gipaabot pa ang mga taho nga isumite sa mga regional offices sa DA sa CAR, Ilocos region, Cagayan valley, Calabarzon ug Mimaropa.
Sa laing bahin, sa mga produkto sa agrikultura nga nadaot, ang produksiyon sa bugas nakahiagum sa labing taas nga volume loss nga mokabat sa 14,177 metriko tonelada kon nagkantidad og P340.06 milyon. Mokabat usab sa P14.01 milyones production loss sa mais, P4.33 milyones sa mga high value crops ug P1.77 milyones ang nawala sa produksiyon sa kamoteng kahoy.
