GENERAL SANTOS CITY – Gigamit sa Actress nga si Julia Barretto ang social media aron ipakita ang pagsuroy sa Gensan kuyog ang boyfriend nga si Gerald Anderson.
Gipakita usab ni Barretto ang mga snap shot kuyog si Anderson sa usa ka anindot nga dapit sa Polomolok, South Cotabato.
Nasuta nga mitambong si Julia sa ika 66 nga adlaw natawhan sa Inahan ni Gerard nga si Evangeline dihang mianhi sa dakbayan.
Dili ikalimod nga nanag-iya ug balay si Anderson sa usa ka subdivision sa Labangal ning syudad.
Susama nga mga hulagway usab ang gipakita ni Anderson sa iyang social media update.
Kahinumduman nga mibisita si Anderson sa City Hall ning syudad aron dawaton ang usa ka pasidungog nga gihatag kaniya sa Sanggunian Panglungsod human mitabang sa pagrescue sa mga biktima sa bagyo didto sa kauluhan.
