Nagpakita og hugot nga suporta si Jillian Ward kang Emman Bacosa Pacquiao atol sa away niini kang Indonesian Reynold Kundimang. sa Kumong Bol-anon 24 nga gipahigayon sa Bohol Cultural Center.
Atol sa bakbakan, klaro ang pag-cheer ug pagdasig ni Jillian samtang nag-atubang si Emman sa iyang kontra. Wala makawang ang suporta sa aktres tungod kay gi-TKO ni Emman ang iyang kaatbang sa ikaupat nga round, hinungdan nga misaka ang iyang professional record sa boxing.
Mikaylap usab sa social media ang ilang “kilig moments” nga nakapukaw sa atensyon sa mga netizens. Daghan ang nagtan-aw sa ilang natural nga chemistry ug nangutana kon posible ba silang magka-uyab sa umaabot.
Bisan pa sa espekulasyon, wala pa’y opisyal nga pahayag gikan sa duha kabahin sa tinuod nilang relasyon. Sa pagkakaron, padayon ang pagsubay sa publiko sa ilang sunod nga mga lakang sulod ug gawas sa ring.
