GENERAL SANTOS CITY – Gihingusgan ni Bombo International Correspondent Denmark Suede sa Australia nga dili angayang magpahigayon og imbestigasyon sa nahitabo nga technical issue sa Ninoy Aquino International Airport kon NAIA.
Kini gumikan dili mga eksperto ang mga magbabalaod nga mag-imbestiga sa maong hisgutanan.
Tambag pa niini nga angayang suportahan sa mga magbabalaod ang mga pagpangita og pondo aron ma-upgrade ang mga kahimanan sa airport.
Nanghinaut ang nasampit nga dili subli nga mahitabo ang maong insidente og makorehian gilayon ang nahitabo. Gibutyag pa niini nga tanan nga gaagi sa airport ang gabayad lakip na ang mga pasahero hinugdan nga daghan ang kwarta sa gobyerno nga mupalit og mga bag-ong kahimanan.
Kahibaluan nga dili muubos sa 56,000 ka mga biyahero ang naapektuhan sa pagkansela, na-divert o nadelatar ang biyahe.
Anaa sa 361 flights pahawa og padulong sa Manila ang apektado sa shutdown sa air navigation facilities sa airport.
