GENERAL SANTOS CITY – Nagpadayon ang imbestigasyon sa mga kapulisan sa natigayong pagpamusil patay sa usa ka lalaki sa Dona Soledad, Barangay Labangal ning dakbayan sa Heneral Santos.
Nailhan ang biktima nga si Servillano Agit, 34-anyos nga naga-buy and sell sa mga motorsiklo ug residente sa nasampit nga barangay.
Matud sa inisyal nga imbistigasyon nga gikan ang biktima nga nagpadala ug kwarta sa iyahang igsuon sa usa ‘remmitance center’ apan pag gawas niini kalit kini gipusil sa wala mailhi nga suspek maka tulo ka higayon nga hinugdan sa iyahayang hinanaling kamatayon.
Samtang gi deklara na nga dead on arrival ang maong biktima nga naka angkon ug patal nga samad pinusilan sa kalawasan.
Gilayon usab nga misibat ang suspek paingon sa wala matino nga direksyon. Sa kasamtangan padayon ang pagpangita sa maong suspek aron masuta kung unsa ang motibo sa krimen.
