Gikatakdang magpahigayon ang International Criminal Court (ICC) Trial Chamber III og status conference sa kaso nga crime against humanity batok kang kanhi President Rodrigo Duterte karong Miyerkules, Setyembre 16.
Magsugod kini alas-4:30 sa hapon, oras sa Pilipinas.
Sa maong ikatulong status conference, hisgutan sa chamber ang pipila ka mga isyu sama sa listahan sa mga testigo, listahan sa mga ebidensiya, mga disclosure ngadto sa depensa ug pipila ka posibleng insidente.
Apil usab sa hisgutan ang pagtakda sa iskedyul sa trial proper nga magsugod sa Nobyembre 30, lakip ang gisugyot nga sunod-sunod nga mga pagdungog nga adunay mga break ug gitakdang oras sa hearing.
Dili pa matino kung personal nga makatambong ang kanhi presidente, apan gikinahanglan gihapon siya nga magpakita sa mga huwes sa ICC sukad sa iyang pagdakop niadtong Marso 2025.
