(UPDATE) Hustisya, singgit sa pamilya sa 14 anyos nga batan-on nga gilungguan ug ulo
GENERAL SANTOS CITY – Nalisdan gihapon sa pagdawat ang amahan sa nahitabo sa iyang 14 anyos nga anak human nga gilungguan og ulo sa wala mailhing mga suspetsado sa Sapu Padidu, Malapatan, Sarangani Province.
Giila ang biktima nga si Arjun Villajuan, residente sa maong lugar.
Sa linghod nga pangidaron, nanginabuhi ang nasampit pinaagi sa pagpanagat.
Nanawagan si Mr. Rolly Villajuan og hustisya sa brutal nga pagpatay sa iyang anak.
Gibutyag niini nga unta gilayong mapanubag kung kinsa man ang mihimo sa mangilngig nga krimen.
Blangko gihapon ang pamilya sa motibo sa pagpatay sa ilang mahal sa kinabuhi.
Nasayran nga pauli na unta ang biktima gikan sa bilyaran dihang mahitabo ang krimen.
