Nagrekomenda ang mga dagkong lider sa partido sa House of Representatives nga ibalik nila ang 2026 National Expenditure Program (NEP) ngadto sa Department of Budget and Management (DBM).
Base sa pagrepaso sa mga House Leaders sa NEP, ilang nadiskubrehan ang mga seryoso ug sistematikong anomaliya sa 2026 NEP, partikular na sa DPWH, DILG, PNP ug DA.
Matod ni Deputy Speaker ug Antipolo Representative Ronaldo Puno, dili sila makasugod sa deliberasyon kung ang 2026 national budget napuno sa mga anomaliya ug kuwestiyonableng budget allocations.
Matud ni Puno nga lakip sa ilang nakaplagan mao ang mga flood control projects nga managsama ang kantidad, Double appropriations, Oversized lump sum nationwide allocations ubos sa DPWH, Reports of unsolicited proposals for billions worth of firearms under the DILG/PNP, Reports of allocation for sale scheme sa DA budget para sa farm to market roads.
Nanawagan si Puno sa mga kauban sa balay nga hunongon na ang pagtambong sa budget deliberations hangtod nga masulbad ang isyu.
