Gikondena sa duha ka house leader ang pamahayag ni kanhi presidential spokesperson Harry Roque nga nagkanayon nga dili siya mo-surrender sa Quad Committee kalabot sa nagpadayong imbestigasyon kalabot sa POGO, illegal drugs, EJK ug Human trafficking ug timailhan kini nga sad-an siya.
Una niini, sila si Sta Rosa City Rep. Dan Fernandez ug Surigao del Norte Representative Robert Ace Barbers nipasangil kang Roque nga wala motambong sa hearing ug wala mosumiter sa gipangayo nga mga dokumento hinungdan nga gi-contempt na usab siya.
Una nang gidayeg nila Barbers ug Fernandez ang PNP sa ilang pagsalmot sa manhunt operations batok kang Roque kinsa gideklarar nga pugante.
Gihatagan og gibug-aton sa duha ka mga house leaders nga ang pagdumili ni Roque sa pagkooperar sa imbestigasyon sa Kamara naghatag og dugang pagduda sa iyang pagka-inosente.
Dugang pa, nga kon walay gitagoan si Roque, dili kini angayang motago ug isumiter ang gikinahanglang mga dokumento.
Matud ni Fernandez, nga gituyo sa Komite nga masayran ang kamatuoran busa angay lang nga klaruhon ni Roque ang iyang pangalan.
Gisuportahan ni Barbers ang pamahayag ni Fernandez nga kon mosalig si Roque sa transparency ug accountability, kinahanglang moatubang siya sa Quad Comm.
