Gisiguro ni Philhealth Pres. og CEO Emmanuel Ledesma, Jr. nga suportado nila nga bawasan ang kontribusyon sa mga miyembro sa Philhealth.
Gihimo ni Ledesma ang pahayag dungan sa nahimong statement ni Senate President Francis “Chiz” Escudero nga kung asa gihingusgan sa senador nga kaya nga mabawasan ang mandatory contributions sa tanang miyembro sa Philhealth.
Matod kang Escudero, muabot sa kapin P500-B ang reserved fund sa Philhealth hinungdan posible kining ipatuman.
Gipaklaro usab ni Ledesma, sa karon gipaabot na lamang nila nga hingpit nga mapasa sa taas nga kapulungan sa Kongreso ang usa ka sugyot nga pag amyenda sa Universal Health Care Law.
Tumong sa maong sugyot balaudnon nga mapakunhod sa 3.25% ang mandatory contribution sa usa ka miyembro sa maong insurance company.
Gisiguro pa sa opisyal nga andam sila nga ipatuman ang maong panawagan sa oras nga mapasa ang maong sugyot.
