Hezbollah gikumpirma ang pagkamatay sa usa nila nga lider

Gikumpirma na sa Hezbollah militant group nga napatay sa Israel ang usa sa mga lider nila nga si Hashem Safieddine.

Si Safieddine ang mao unta ang muhulip sa namatay nga lider nila nga si Hassan Nasrallah.

Natultolan sa Israel Defense Forces ang kuta ni Safieddine sa underground intelligence headquarters sa Hezbollah sa Beirut.

Wala pa gianunsyo sa Hezbollah kung kinsa ang musunod nga lider nga muhulip sa napatay nga si Safieddine.