Gipanawagan ni P/Maj. Ari Noel Cardos, ang hepe sa Makar Police Station ang mga residente sa iyang area of responsibility nga motabang ug makigtambayayong sa kapulisan aron mapugngan ang nagkadaiyang krimen sa ilang lugar.
Matud niya, importante ang aktibong partisipasyon sa komunidad aron mas mapadali ang pag-ila ug pagdakop sa mga kriminal ug mas mapalig-on ang kampanya batok sa illegal nga kalihokan.
Sa miaging adlaw, nakasakmit ang kapulisan og kapin ₱3.1 milyon nga kantidad sa smuggled cigarettes filter rods human sa ilang intelligence monitoring operation sa maong lugar.
Gipasiugda sa kapulisan nga padayon ang ilang operasyon kontra smuggling ug uban pang ilegal nga kalihokan samtang nag-awhag sa publiko nga magpabiling alerto ug motaho dayon sa mga kadudahang aktibidad.
