Heat index sa dakbayan posibleng moabot sa 48 degress celcius sa umaabot nga mga adlaw, mga residente gipahimangnuan sa dobleng pag-amping

GENERAL SANTOS CITY – Hugot nga pahimangno sa mga eksperto sa katawhan nga dili magpainit ilabi sa kaudtuhon kung dili mahinungdanon ang adtuan gumikan sa tumang kainit sa panahon sa dakbayan.

Matud pa ni Venrio Biñan, Pagasa forecaster sa dakbayan nga posible mas mahimong init pa ang temperatura sa dakbayan sa sunod nga mga adlaw.

Kahibaluan nga base sa forecast sa Pagasa karong March 28, 2023 anaa sa 48 ang maximum heat index sa dakbayan nga usa sa mga lugar nga labing init sa tibook Pilipinas.

Samtang sa talaan sa PAGASA GenSan anaa sa 34.5 degrees celcius ang labing init nga temperatura sa dakbayan ning tuiga.

Kahibaluan nga sa miaging March 24 natala ang labing init nga heat index nga anaa sa 47 degrees celcius sa Butuan City.