GENERAL SANTOS CITY – Wala na makabalik pa sa ilang terminal ang usa ka habal habal driver human giatangan ug gipusil sa duha ka mga lalaki.
Matud ni Police Major Verlyn Pampolina, hepe sa Tupi Muncipal Police station nga igo lang naghatud ug pasahero sa Sitio Bunawan, Polonuling, Tupi South Cotabato ang biktima apan dihang pagawas na sa lugar didto siya gipusil nga nagresulta sa iyang kamatayon.
Giila ni Pampolina ang biktima nga si Nasser Gental Sulaiman, 50 anyos residente usab sa lugar.
Luyo nga adunay nakakita sa krimen apan dili matud pa mailhan tungod layo usab ang nakakita sa mga suspek.
Posible a nga may kasuko ang mga suspek sa biktima tungod duol lamang sa gipuy-an niini nahitabo ang pagpamusil.
Gibutyag nga caliber 45 pistol ang gigamit sa mga suspek sa pagpusil base usab sa nakuha nga ebedinsya.
