-- ADVERTISEMENT --
GENSAN – Nagpahibalo si Police Col. Nicomedes Olaivar Jr., City Director sa General Santos City Police Office, nga palig-onon nila ang operasyon batok sa illegal nga mga pabuto samtang nagkadool ang Pasko ug Bag-ong Tuig.
Giingon niya nga magpulong ang kapulisan ug force multipliers aron hisgutan ang mga posible nga lihok sa pagpugong sa ilegal nga pagpamaligya og firecrackers.
Gi-awhag usab sa opisyal ang katawhan nga motabang sa pagbantay sa palibot ug dayon i-report kung aduna silay masayran nga ilegal nga pagpamaligya.
Samtang ang LGU Gensan motudlo og usa ka lugar diin gitugotan lamang ang pagbaligya og legal nga mga pabuto.
Kini aron masiguro ang hapsay ug luwas nga pagsaulog sa holiday season.
-- ADVERTISEMENT --
