-- ADVERTISEMENT --
GENSAN– Usa ka grassfire ang natigayon pasado alas 12 sa udto sa Kalatao, Barangay Tambler ning dakbayan sa Heneral Santos.
Sumala sa unang impormasyon, kusog ang pagkatag sa kalayo tungod sa uga nga sagbot ug hangin,hinungdan nga dali kining mikaylap ug miabot na sa duol nga mga lugar.
Gilayon kining girespondiohan sa mga personahe sa Bureau of Fire Protection sa General Santos aron dayon nga mapalong ug mapugngan ang pagdako sa sunog nga gikabalak-ang makaabot sa mga residential areas.
Tungod niini ang ubang mga residente ang naniguro busan sila ang namakwit aron malikayan ang posibleng kadaut sa kabtangan ug kaluwasan sa kinabuhi.
Padayon pa ang imbestigasyon sa BFP kung unsa ang posibleng gigikanan sa kalayo.
-- ADVERTISEMENT --
