-- ADVERTISEMENT --
Gipanghimakak sa Department of Education (DepEd) ang nagkatag nga post sa social media nga nag-ingon nga adunay Grade 13 sa Senior High School alang sa School Year 2025-2026.
Usa ka Facebook page nga ginganlag “Educational News” giingong nagpakatap ug bakak nga impormasyon.
Ang post adunay “ANNOUNCEMENT: Dugang 1 ka tuig sa Senior High School,” uban sa usa ka caption nga adunay link nga direkta nga padulong sa usa ka online shopping website.
Ang sayop nga hulagway nagpakita usab nga aduna kini logo sa Commission on Higher Education (CHED) ug DepEd.
Sa laing bahin, gidasig sa DepEd ang publiko nga magmabinantayon ug kritikal batok sa sayop nga impormasyon.
-- ADVERTISEMENT --
