Giangkon sa beteranong aktres nga si Gina Alajar nga niagi siya og yugto sa iyang kinabuhi diin migamit siya og ilegal nga droga sulod sa duha ngadto sa tulo ka tuig.
Gipaambit ni Gina nga nagsugod siya sa marijuana, ug pagkahuman migamit usab siya og shabu (methamphetamine) aron magpabiling di katulugon alang sa trabaho.
Sumala niya nahimong kabahin kini sa iyang kalibutan isip kanhi child star.
Tungod sa taas nga oras sa walay tulog ug grabeng demand sa iyang trabaho sa showbiz, nisangpot matod kini sa iyang pagka-adik sa droga.
Gipaambit usab niya nga nakasinati siya og hallucinations human sa 72 ka oras nga walay tulog. Dinhi siya nakaamgo ug nakahukom nga hunongon ang tanan.
Sa Karon, hingpit na nga niundang na si Gina sa paggamit sa ilegal nga droga ug nagpadayon sa nanginabuhi nga limpyo.
Gawas nga artista ug direktor, live seller usab siya sa social media nga naghatag-lingaw sa iyang fans.
