Nakasulod sa finals ang Gilas Pilipinas men ug Gilas Women human nila gipildi ang Indonesia sa basketball semifinals sa 2025 Southeast Asian Games sa Thailand.
Nadaog sa Gilas Pilipinas ang men’s basketball game sa score nga 71-68 human sa come-from-behind nga kadaugan batok sa Indonesia. Nanguna si Thirdy Ravena nga may 16 puntos, samtang si Jamie Malonzo nakatampo og 13 ug si Ray Parks og 12 puntos.
Sa finals, atubangon sa Gilas Pilipinas ang modaog sa Thailand-Malaysia match.
Samtang, gipalagpot sa Gilas Women ang defending champion Indonesia human sa 66-55 nga kadaugan sa semifinals. Kini ang ikaupat nga sunod-sunod nga pag-abot sa team sa finals, human napakyas sa pagdaog sa titulo niadtong 2023.
Atubangon usab sa Gilas Women ang modaog sa Thailand-Malaysia match sa finals.
