Gihimakak sa Pilipinas ang pangangkon sa China nga hingpit na nilang gikontrolar ang Sandy Cay, usa ka gamay nga sandbar sa Pag-asa Island sa WPS.
Sumala sa National Security Council Assistant Director General Jonathan Malaya, ang balita nga gipakaylap sa Chinese state media dili tinuod.
Ang ahensya niinsistir nga walay dokumento o kamatuoran nga magpamatuod sa pangangkon sa China Coast Guard nga kontrolado na niini ang sandbar.
Ang Chinese state media kaniadto nagtaho nga ilang gipatuman ang maritime control sa Sandy Cay niadtong tunga-tunga sa Abril.
Sa miaging semana, ang tigpamaba sa Chinese coast guard nga si Liu Dejun nipasangil sa unom ka mga Filipino nga giingong mitugpa sa sandbar bisan pa sa mga pasidaan nga ilang gibutang.
Human niini, gipakatap dayon sa Pilipinas ang 4 ka teams sa Inter-Agency Maritime Operation aron pag-verify sa pangangkon sa China.
Sa ilang pag-abot, wala silay nakit-an nga presensya sa mga pwersa sa China didto, bisan pa nga ilang gimonitor ang China Coast Guard ug mga barko sa militia duol sa lugar.
Matod sa tigpamaba sa Philippine Coast Guard sa West Philippine Sea Commodore Jay Tarriela, ang pamahayag sa China usa ka klaro nga bakak ug usa ka matang sa disinformation.
