Miduaw sila Gerald Anderson ug Claudine Barretto sa lamay sa student-athlete nga si Rene Baterbonia aron ipahayag ang ilang pahasubo sa pamilya niini.
Sa social media post ni Coach Jess Evangelio, gipasalamatan niya si Gerald tungod sa personal nga pagduaw niini sa haya sa Quezon City. Matod pa niya, bisan sa makadiyot, napahiyom sa aktor ang inahan ni Rene taliwala sa ilang kasubo.
Mikaylap usab online ang mga video sa pag-abot ni Claudine sa haya diin nakita siyang nakigkita ug naghatag suporta sa pamilya sa batan-ong atleta.
Si Baterbonia, 19 anyos, usa sa mga player sa men’s basketball team sa Ateneo de Manila University, nga namatay atol sa usa ka team-building activity sa Aurora niadtong Hunyo 8.
Ang iyang pagpanaw nagbilin og kasubo sa daghang personalidad ug supporters sa sports community.
