GENERAL SANTOS CITY – Pareho na ang gidaghanon sa kaso sa COVID 19 sa GenSan og South Cotabato nga mitala og labing daghang kaso sa Coronavirus dieasese 19 sa Region 12.
Basi sa ulahing report sa Department of Health-Center for Health Development SOCCSKSARGEN Region, ang GenSan og South Cotabato pareho nga mitala og 624 ka Covid cases apan mas daghan ang aktibong kaso sa dakbayan nga mukabat sa 250 og adunay 350 nga nakarekober
Samtang sa South Cotabato may active cases nga 156 samtang 456 ang nakarekober na.
Sa karon mitala na sa 2,189 ang katibuk-ang kaso sa maong sakit sa rehiyon human nga nadugang kagahapon ang 45 ka bag-ong kaso, hinuon adunay 42 nga nagmaayo.
Ang Cotabato City adunay 452 kumpirmadong kaso sa Covid 19 og 130 ang active cases.
Ang North Cotabato nadugangan og duha ka bag-ong kaso nga karon misaka na sa 186 kabuok og may 46 aktibong kaso.
Ang Sarangani 155 ang kaso sa Covid-19 og 27 ang padayon pang nagpaayo samtang 148 na ang kaso sa covid-19 sa Sultan Kudarat og 11 ang active cases.
Nasuta nga duha ang nadugang sa ihap sa namatay sa Covid 19 sa rehiyon.
Ang nadugang sa listahan ang ika-1,629 nga natala nga kumpirmadong kaso nga usa ka 61 anyos nga babaye.
Migawas sa gihimong pagsusi nga namatay ang nahisgutang edaran tungod sa Acute respiratory distress syndrome.
Samtang ang ikaduhang positive Covid-19 patient nga nakabsan sa kinabuhi mao ang ika 2,183 nga kumpirmadong kaso nga residente sa Cotabato City, usa ka 82 anyos nga babaye.
Ang rason sa kamatayon sa nasampit tungod sa acute respiratory distress syndrome.
