GENERAL SANTOS CITY – Gikumpirma ni City Mayor Ronel Rivera nga mitubag na ang kompanya nga gahimo og Astrazeneca vaccine batok sa COVID 19 sa sulat sa dakbayan nga mupalit sa maong bakuna.
Matud pa kang Mayor Rivera nga gihulat na lang ang multi tripartite agreement nga pirmahan sa syudad og sa national government pinaagi nilang Health Sec. Francisco Duque og vaccine czar Carlito Galvez og sa kompanya.
Kini gumikan dili pwede makapalit ang syudad og ang national government lamang.
Gibutyag ni Mayor Rivera nga 150,000 ka doses sa Astrazeneca ang paliton sa syudad og P 150,000 doses usab gikan sa Novavax.
Nasayran nga ang Lagao gym ang mahimong command center sa vaccination program sa syudad.
Matud pa kang Mayor Ronel Rivera nga adunay memorandum of agreement tali sa mga lokal nga gobyerno nga magtinabangay oras nga sugdan na ang pagbakuna matag lugar.
Sa pamahayag pa niini nga ipahulam ang mga medical workers sa syudad sa mga lokal nga gobyerno og mao usab ang mahitabo sa dakbayan nga magpahulam sa mga doktor kung magpahigayon na ug mass vaccination ang silingan nga mga probinsya.
