Gensan City museum project gihisgutan sa City Administrator

GENERAL SANTOS CITY – Nagpaklaro si City Administrator Shandee Llido Pestaño kalabutan sa city museum.

Matud pa niini nga lakip sa plano sa kasamtangang administrasyon nga humanon ang nasampit nga proyekto.

Sa iyang pamahayag nga sa sunod tuig apil na kini nga gahinan og pondo.

Gihingusgan pa niini nga dili pasagdan sa syudad ang nasampit nga proyekto gumikan kabahin kini sa pagpreserba sa kasaysayan sa syudad og masayod ang katawhan kung unsa gayud ang dakbayan.

Giangkon niini nga dakong pondo pa ang kinahanglan una hingpit nga mahimong operational ang city museum nga nahimutang sa likod nga bahin sa main city hall building.