GENERAL SANTOS CITY – Padayon ang pag-usbaw sa gaabot nga internally displaced persons (IDP) kon mga bakwit nga gikan sa Marawi City gumikan sa nagpadayong kagubot sa ilang lugar, tungod sa pagpangatake sa Maute terror group.
Kahibaluan nga base sa record sa General Santos City Police Office, dul-an dos mil ka mga IDPs na ang ania karon sa siyudad, kung asa labing daghan matud pa ang anaa karon sa Brgy Bula, dayon sa Brgy Labangal, Fatima, Calumpang, ug uban pang kasikbit barangay, nga padayong gina-monitor ug ginatabangan sa mga lokal nga panggamhanan.
Base usab sa record sa City Social Welfare and Development Office, anaa na sa kapin 330 ka mga pamiya ang ilang natala ug nahatdan ug hinabang.
Kahibaluan usab nga migahin ang lokal nga panggamhanan ug P5 milyon nga pondo isip hinabang alang sa mga IDPs, gawas pa sa mga relief packs ug hinabang nga ipadala sa mga sa evacuees didto sa Marawi.
