GENERAL SANTOS CITY – Wala pay lead ang kapu lisan sa Lagao kon unsa ang motibo sa pagdunggab patay sa usa ka lalaki nga gapamaligya ug prutas sa Rivera St Brgy. Lagao ning dakbayan.
Kahinumduman nga ang biktima ang nailhan sa pangalan nga si Faisal Santos Cadig, 32 anyos, minyo nga nagpuyo sa maong lugar.
Sa imbestigasyon sa kapulisan, nasayran nga miembro sa grupong sukarap matud pa ang responsable sa krimen.
Gibutyag nga natigayon ang insidente dihang naninda ang biktima sa ilang pwesto bandang alas 8:00 sa miaging gabie.
Samtang galingkod-lingkod daplin sa fruitstand ang biktima, upat ka tawo nga sakay og motorsiklo ang mihunong atubangan sa ilang pwesto og nagpakaaron-ingnon nga mupalit og prutas.
Usa niini ang miduol og gidunggab ang biktima gamit ang icepick kon asa ang biktima ang naigo sa likod og tiyan nga bahin nga hinungdan sa hinanaling kamatayon niini.
Sa pagkakaron, padayon ang imbestigasyon og pagpangalap og ebidensiya sa Lagao Police Station aron maaresto ang mga suspetsado.
