Moagi sa pre-trial proceedings si kanhi Pangulong Rodrigo Duterte sa oras nga mabalhin na siya sa The Hague, Netherlands, kung asa nakabase ang International Criminal Court (ICC).
Dinhi, sayron sa ICC judges kung may paigong ebidensiya para sa full trial sa kaso sa kanhi Pangulo.
Ugaling mag-proceed ang kaso, muatubang si Duterte sa pagtaral sa panel of judges dungan sa pagpresenta og mga testimoniya sa mga testigo og documentary evidence batok kaniya.
Kung ugaling makombikto, mahimong mag-atubang kini sa sentensiya nga pagkapriso kung asa ang kasagarang desisyon sa ICC ang muabot og pipila ka dekada hangtod sa tibuok kinabuhi nga pagkabilanggo.
Apan mahimong maabtan og pipila ka tuig ang proseso tungod sa mga posibilidad sa pag-apela sa kampo sa kanhi Pangulo o pagkadelatar tungod sa political maneuvering sa iyang mga supporter.
