Gihingusgan ni kanhi Presidente Rodrigo Duterte nga wala siya’y pagmahay sa tanan niyang nahimo isip presidente sa Pilipinas.
Gipaambit ni Veronica “Kitty” Duterte sa usa ka interbyu nga sa katapusan niyang pagbisita sa iyang amahan nga natanggong sa International Criminal Court (ICC) Detention Center, ang kanhi presidente niingon nga gibuhat niya ang tanan aron mapalambo ang nasud.
Bisan pa man sa kataposang pagpasaka og kaso batok niya sa ICC, niingon siya nga dili gyud siya mangayo og pasaylo ug dili magbasol sa iyang gihimo.
Samtang, giingong anaa sa maayong kahimtang ang kanhi presidente.
Matod sa kanhi presidential daughter, malipayon si FPRRD basta makita lang niya nga maayo ang kahimtang sa iyang tibuok pamilya bisan pa sa iyang pagkatanggong sa ICC.
