Gihangyo ni kanhi Pangulong Rodrigo Duterte nga makaistorya ang consular officer sa Embahada sa Pilipinas sa The Netherlands.
Sumala sa Embahada nga nakadawat sila og tawag sa kanhi Pangulo bandang 10:44 sa gabie sa Huwebes oras sa Pilipinas kabahin sa hangyo niini. Dugang pa niini nga mipailawom siya sa medical check-up og nahimong maayo usab ang kahimtang sa iyang panglawas.
Mihirit usab kini sa Registry sa International Criminal Court nga magpahigayon unta og Consular visit. Lakip usab sa gihangyo sa kanhi pangulo nga kung mahimo bisitahon siya sa iyang mga abogado og miyembro sa pamilya.
Gikumpirma usab sa Embahada nga nakaistorya sa kanhi pangulo ang kanhi Executive Secretary Salvador Medialdea nga mitindog usab isip usa sa mga abogado niya.
Usa sa gikabalak-an ni Medialdea nga wala niini nakita ang kanhi Pangulo dihang mibisita siya sa The Hague Penitentiary Institution apan gibutyag sa ICC nga nag-adto lamang sila sa ospital kauban si Duterte para magpa-check up.
