GENERAL SANTOS CITY – Nanawagan ang City Health Office sa katawhan sa dakbayan sa Heneral Santos nga ibatasan ang “Enhance 4S kontra dengue”.
Matud ni Dioscoro Nunez lll, City Health Officer sa syudad nga pinaagi niini makalikay sa sakit nga dengue. G
ibutyag sa nasampit nga usa sa mga rason nganong mitaas ang kaso sa dengue ning tuiga tungod sa taas nga raining season kung asa imbes nga paingon na sa summer season apan gasige gihapon ang ulan itandi sa milabay nga tuig nga Hunyo hangtud Disyembre lamang ang ting-ulan.
Sa iyang pamahayag, gipakusgan pa karun sa ilang buhatan ang kampanya kontra degue kini gumikan mitaas ang ihap sa kaso sa dengue kumpara sa milabayng mga tuig.
Kahibaluan nga aduna lamang 50 ka kaso sa dengue sa milabayng tuig itandi sa 104 ka kaso ug duha na ang namatay gumikan sa Dengue nga natala karun nga tuig.
Nasayran nga ang Brgy. Labangal ang adunay labing taas nga kaso sa dengue nga adunay 17 nga gisundan sa Brgy. Calumpang ug Fatima ang adunay tig dose ka dengue cases ang natala.
