Gi convert sa cash sa usa ka job order worker ang nadag-an nga brand new Sedan sa Christmas party nga gipahigayon sa mga empliyado sa LGU Gensan.
Giangkon sa nagpangalan ug Allan Suharto empliyado sa Lokal task Force nga dili makamao magmaneho ug sakyanan hinungdan nga gidawat ang P500,000 nga cash.
Daghan ang nakasulti nga Merry ang Pasko sa nahisgutang empliyado dihang nabunutan ang pangalan ni Mayor Lorelie Pacquiao.
Daghan ang nagsayaw sayaw dihang gitunol na ang liyawe sa sakyanan ug giagda na ang winner nga musakay ug sulayan padagan ang sakyanan apan giangkon ni Suharto nga dili makamao nga magmaneho ug sakyanan.
Gawas sa kotse may lima ka mga indibidwal ang midaug ug tig usa ka motorsiklo, appliances, bugas ug uban pa.
Natigayon ang Christmas party atul sa pormal nga pagsirado sa mga aktibidad sa Paskuhan sa Gensan.
