-- ADVERTISEMENT --
GENERAL SANTOS CITY – Sugdan na ugma, Lunes, sa Comelec GenSan ang Election Registration Board kun ERB hearing alang sa mga nagparehistro niadtong Enero 2 hangtud Abril 29.
Matud pa, moabot ngadto sa 19,963 ang naparehistro sa Comelec-GenSan sulod sa upat ka bulan sa nagpadayon nga pagrehistro.
Gibutyag nga ang maong ihap sa nagparehistro, ipaagi sa ERB hearing una pa hingpit maapil isip botante ug makahigayon sa pagboto sa umaabot nga SK ug Barangay elections karong Oktubre 23.
Kahibaluan nga nagpadayun ang pagpangandam sa Comelec alang sa umaabot nga October 23 barangay ug SK elections.
Sa pahayag ni Atty. Mitchor, hangtud 19 ang ipahigayon nga ERB hearing.
-- ADVERTISEMENT --
