Gipaabot nga mupaspas pa ang paglambo sa ekonomiya sa Pilipinas sa kapin 6% karong 2025 bisan sa 2026.
Kini base usab sa projection ni Department of Finance Secretary Ralph Recto og International Monetary Fund (IMF).
Masaligon ang Finance Secretary nga malabwan sa dagan sa ekonomiya sa nasod niadtong ulahing kwarter sa 2024 ang natala nga 5.2% economic growth niadtong ikatulong kwarter sa 2024, nga gipaabot nga magdala sa full-year growth nga halos o sobra pa sa 6%.
Gitumbok usab sa IMF ang domestic demand isip usa sa mga factor alang sa gipaabot nga pagpaspas pa sa paglambo sa ekonomiya sa nasod alang karong 2025 og sa sunod nga tuig lakip ang consumption og investment.
Kung asa suportahan ang consumption growth sa mas ubos nga presyo sa mga pagkaon og anam -anam nga pagluag sa monetary policy.
Sumala pa sa IMF, gipaabot nga makabangon ang investment growth sa padayon nga pagduso sa public investment, anam anam nga pag-ubos sa mga pagkautang og pagdaghan sa ginapatuman nga public-private partnership projects og foreign direct investment human sa mga legislative reform.
Samtang gipaabot nga ipagawas sa Philippine Statistics Authority (PSA) ang opisyal nga economic growth data para sa 4th quarter at sa buong taon ng 2024 sa Enero 30, 2025.
