-- ADVERTISEMENT --
GENERAL SANTOS CITY -Gikatakda matud pang magpasiugda ang OCD-12 ug earthquake drill sa umaabot nga March 24, adlaw’ng Biyernes.
Matud sa ilang tigpamaba nga si Jorin Mae Balmediano, nationwide kon tibuok nasud kining simultaneous kon dungan nga ipahigayon, alas-9:00 sa buntag.
Giawhag niini ang tanan, mga tulunghaan ug institusyon, mga pribado ug pampublikong ahensya ug buhatan nga mupartisipar, ug mag-duck, cover and hold sa ilang mga opisina, panimalay ug mga eskwelahan, aron bansayon ang kaugalingon sa mga butang nga himuon hilabi na kon maglinog.
Sumala pa nga gawas sa mga pag-ulan ug pagbaha, ug uban pa, angayan usab nga pangandaman ang linog, aron masayod ug mahimong luwas kon ugaling mahitabo ang susamang panghitabo.
