GENERAL SANTOS CITY – Gilusad na ang Data Vault for Your Covid-19 Assistance Response Emergency System (DVY) Cares sa Glan, Sarangani Province.
Kini ang inisyatibo ni Mayor Vivien Yap aron mapadali ang contact tracing sa sa ilang lugar.
Matud pa ni Mayor Yap nga dili lamang sa contact tracing magamit ang DVY Cares apan lakip sa pagresponde sa krimen ug kalamidad.
Kinahanglan usab nga ang tanan nga mga taga Glan adunay DVY Cares Card gumikan dili makasulod sa mga business establishments.
Ang mga business establishments, tulunghaan, simbahan, barangay, bangko, pampublikong mga sakyanan ug uban pa sa Glan ang kinahanglan adunay scanner alang sa DVY Cares QR Code.
Gikadugang pa ni Mayor Yap nga istrikto nga ipatuman ang “No DVY Cares Card, No Entry” sa lungsod sa Glan.
Samtang sa December 1, 2020 ipagawas ni Mayor Yap ang bag-o nga Executive Order kalabutan sa DVY Cares.
Sa mga nakaparehistro na og may problema pag-fill up sa detalye sa form pwede magpadala og mensahe sa info@glan.ph.
Samtang sa mga magpaehistro adto lamang sa glan.ph.
Miapila si Mayor Yap sa publiko nga magtinabangay kung asa sundon ang mga gipatumang health protocols .
