COTABATO- Dul-an sa P5 million nga kantidad sa smuggled nga sigarilyo ang nakumpiska sa Barangay Sadaan sa Midsayap Cotabato.
Matud ni PLt. James Warren Caang, tigpamaba sa Cotabato Provincial Police Office, ang maong kontrabando gikarga sa usa ka Mitsubishi cargo truck kulay itum nga adunay plate number CBB-7736.
Gidakop sa kapulisan ang drayber nga nailhan sa alyas “Ron,” 41 anyos, residente sa Kalingangan, Bukidnon nga karon balhog sa Midsayap Municipal Police Station.
Sa pagsusi sa mga ginsakpan sa Regional Intelligence Division kauban ang mga personnel gikan sa ubang police unit nasakmit ang 120 ka kahon sa Walton cigarettes nga gitago ilawom sa mga sinako sa tipasi sa humay sulod sa cargo truck.
Ang mga sigarilyo nga subay sa inventory nagbalor og P4.7 million ang naturn-over na ngadto sa Bureau of Customs.
Samtang naghulat na lang ang driver sa truck sa pormal nga pagpasaka sa kaso batok kaniya._. Si PLt. James Warren
