GENERAL SANTOS CITY – Dise nuebe ka sunog ang natala sa dakbayan sa Heneral Santos gikan Enero 1, 2022 hangtud Marso 15,2022.
Kini ang gireport ni Fire Supt. Reginald Legaste, sa Bureau of Fire Protection kon BFP GenSan sa iyang pag-atubang sa session sa Sangguniang Panlungsod sa miaging adlawa. Sa iyang pamahayag nga sa bulan sa Enero 2022 anaa sa 11 ka sunog ang nahitabo kung asa walo ang balay.
Sa bulan sa Pebrero upat ang sunog ang nahitabo samtang upat sa bulan sa Marso hangtud 15.
Ang labing ulahing sunog nahitabo sa Purok Riverside, Barangay San Isidro ning dakbayan.
Kasagaran sa mga rason sa nahitabo nga sunog ang gumikan sa koryente.
Tungod niini padayon ang apila sa BFP sa katawhan nga mag-amping matag karon og unya aron makalikay sa sunog.
Mas gipahugtan pa sa BFP ang information dessimination sa paglikay sa sunog gumikan ning bulan sa Marso gisaulog ang Fire Prevention Month.
